ladin pop x Gadersound

Bryan Bertoldi

Bryan Bertoldi, 27 ani, ie ladin dla Val Badia. Cun ot ani al scumencià a suné la chitara. L à sunà cun grupes y musicisć desferënc tla Val Badia y tl Südtirol, danter chëi Hell Warrior, Sagorah, L.Metrix. Atualmënter iel l chitarrist dla band Death Metal "Last Colony". Bryan lëura coche neuropsicologh tl spedel de Bulsan.

Bryan Bertoldi, 27, ist Ladiner aus dem Gadertal. Seit seinem 8. Lebensjahr spielt er Gitarre und hat mit verschiedenen Bands und Musikern im Gadertal und Südtirol gespielt, unter anderem mit Hell Warrior, Sagorah, L.Metrix. Derzeit ist er Gitarrist der Death Metal Band 'Last Colony'. Bryan arbeitet als Neuropsychologe im Krankenhaus von Bozen.

Stefan Demetz

Stefan Demetz ie chersciù su a Urtijëi. Bele canche l fova pitl ie nasciuda si pascion per la mujiga, nce tres si pere, berba y nëine, che à dedicà duta si vita ala mujiga. Cun i ani ie chësta pascion chersciuda y cun undesc ani al fat pert de bands tla scola mesana y auta, ulache l pudova viver si talënc cun percuscion, bass y chitara. Ti ani dla università al pudù fé la mujiga per de plu films de studënc y films curc. Pona al metù adum la mujiga per retlam de BMW, Swarovski, Dolomiti Superski y Casinos Austria. L ann 2022 fova n highlight particuler, canche l à scrit la mujiga per si prim film documenter sota la regia dl alpinist cunesciù Reinhold Messner.

Stefan Demetz ist in St. Ulrich aufgewachsen. Schon in jungen Jahren entflammte Stefans Leidenschaft für die Musik, angefacht durch seinen Vater, Onkel und Großvater, die ihr ganzes Leben der Musik widmeten. Im Laufe der Jahre wuchs diese Leidenschaft weiter an und mit elf Jahren trat er seinen ersten Mittel- und Oberschulbands bei, wo er seine Talente an Schlagzeug, Bass und Gitarre auslebte. Während seiner Universitätsjahren durfte er mehrere Studenten- und Kurzfilme vertonen. Anschließend komponierte er Werbespots für BMW, Swarovski, Dolomiti Superski und Casinos Austria. Ein besonderes Highlight war das Jahr 2022, als er die Musik zu seinem ersten Dokumentarfilm unter der Regie des weltberühmten Bergsteigers Reinhold Messner schrieb.

Luca Lezuo

Luca Lezuo é nasciü y chersciü sö a La Val, Val Badia. Do la scora media a San Martin al fat le lizeum scientifich a Porsenú cun azënt sön sciënzes naturales, por spo jí dl 2014 a Viena a studié fisica y sciënzes di materiai. Atualmënter él impegné cun le dotorat de fisica, olache al se dá jö cun surasperses a contat cun l’ega. Luca sona la trombëta y á cianté de deplü cors y grups plü pici, danter ater pro cantus iuvenis, cor cun azënt söl lingaz ladin a Viena. 

Luca Lezuo ist in Wengen im Gadertal geboren und aufgewachsen. Nach der Mittelschule in St. Martin in Thurn besuchte er das Realgymnasium mit naturwissenschaftlichem Schwerpunkt in Brixen und studierte seit 2014 Physik und Materialwissenschaften in Wien. Aktuell setzt er sein Studium der Physik im Doktorat an der TU Wien fort und beschäftigt sich dabei mit Oberflächen im Kontakt mit Wasser. Luca spielt Trompete und hat in verschiedenen Chören und kleineren Besetzungen gesuchen, unter Anderem bei cantus iuvenis, ein Chor mit ladinischem Schwerpunkt in Wien.